Kryeministri izraelit, Benjamin Netanjahu premtoi të refuzojë rezultatin e votimit në Asamblenë e Përgjithshme të OKB-së, duke e cilësuar këtë të fundit si “shtëpi të gënjeshtrave”. Pas votimit që dënoi lëvizjen amerikane që njeh Jeruzalemin si kryeqytet të Izraelit, Tel Avivi zyrtar doli me një deklaratë ku thuhet: “Izraeli falenderon presidentin Trump për pozicionin e tij të pagabueshëm në favor të Jeruzalemit dhe falendëron gjithë ato vende që votuan në krah të Izraelit, në krah të së vërtetës”.
Ndërkohë, një zëdhënës i presidentit palestinez, Mahmoud Abbas e cilësoi votimin “fitore për Palestinën”.
Megjithë këto reagime, vota në OKB nuk do të ndryshojë asgjë në qëndrimin amerikan, pasi siç tha edhe ambasadorja amerikane në OKB,
Nikki Haley, “Amerika do ta zhvendosë ambasadën në Jeruzalem, pasi këtë do populli amerikan dhe është gjëja e duhur për t’u bërë”. /tesheshi.com/
