Një reagim i ashpër ka ardhur nga LSDM-ja, fill pasi presidenti Ivanov refuzoi t’i jepte mandatin Zoran Zaevit, me pretendimin se pranimi i kushteve shqiptare do cenonte integritetin e shtetit. Numri dy i kësaj partie, Frosina Remenski, ka reaguar duke thënë se Ivanov do mbajë përgjegjësi për aktin e tij. Sipas saj, presidenti tregoi se vendimet i merr nën efektin e gënjeshtrave dhe interesave partiake.
“Njeriu që kryen funksionin e presidentit, që vendimet e veta i mbështet në gënjeshtra dhe dezinformata me gjoja ndryshimin e emrit të shtetit, Kushtetutës, flamurit dhe himnit të Republikës së Maqedonisë, por që e di se nuk është ashtu, nga ky moment është përgjegjës për gjitha pasojat që dalin nga vendimi i tij si lëndë djegëse e shovinizmit dhe huliganizmit në emër të një patriotizmi. Njeriu, që si komandant suprem dhe shfrytëzues i informatave me nivel më të lartë të sigurisë, e di që Republikës së Maqedonisë nuk iu është cenuar sovraniteti dhe integriteti territorial, posaçërisht jo nga një shtet anëtar i NATO-s, do të jetë përgjegjës për gjitha implikacionet e sigurisë dhe autokracisë nga deklaratat dhe vendimet e tij. Njeriu që e kryen detyrën e kryetarit të shtetit është përgjegjës për verifikimin e iluzionit të vet tradhëtisë të krijuara në kuzhinat partiake dhe të huaja. Njeriu vërtetoi se vendimet që i ndërmerr i mbështet në interesa partiake dhe shërbime të sigurisë partiake si mbështetësi i fundit i kidnapuesve të Republikës së Maqedonisë! Njeriu duhet ta dije që, funksioni nuk e bën njeri, por pjekuria e vendimeve të tija në interes të shtetit dhe qytetarëve! Njeriu tregoj se si nuk duhet të mbrohet dhe dashurohet shteti!”, kështu ka deklaruar për portalin tesheshi, nënkryetarja e LSDM-së, Frosina Remenski. /tesheshi.com/
