Katër shtetet arabe që kanë vendosur sanksione ndaj Katarit e kanë përshkruar refuzimin e Doha-s ndaj kërkesave të tyre si kërcënim për sigurinë rajonale. Me anë të një deklarate, Arabia Saudite, Bahreini, Egjipti dhe Emiratet e Bashkuara Arabe po ashtu, paralajmërojnë për masa të reja, por që mbeten të paqarta.
Këto vende në qershor prenë të gjtiha lidhjet me Katarin, duke vendosur edhe një bllokadë tokësore ndaj shtetit të vogël. Ato kërkojnë që Katari të mbyllë televizionin Al Jazeera, të reduktojë lidhjet me Iranin dhe t’i japë fund lidhjeve të supozuara me xhihadistët.
Këtë javë, Katari refuzoi ultimatumin prej 13 pikash që vendet e Gjirit kishin hartuar, duke mohuar të gjitha akuzat që i drejtohen.
Sekretari amerikan i Shtetit, Rex Tillerson pritet të vizitojë të hënën Kuvajtin, që përkohësisht është jashtë krizë së Gjirit./tesheshi.com/
