Ndërsa shumë fëmijë sirianë kanë lënë vendin duke ndërmarrë udhëtimin e rrezikshëm drejt Europës për t’i shpëtuar luftës, për një 7-vjeçar, emigrimi mban emrin e futbollit.
Ai synon të ndjekë ëndrrën për t’u bërë një futbollist i mirë.
Zaidi së bashku me babanë e tij Osama, mbërrijnë këto ditë në Spanjë për të nënshkruar me skuadrën e Getafes, falë menaxherit Mohamed Labrouzi.
Pamjet kur Osama pengohet nga një kameramane hungareze ndërsa përpiqej të kalonte kufirin, bënë xhiron e botës. Historia e tij u bë e njohur falë këtij rasti të shëmtuar. Osama al-Abd al-Mohsen, ka qenë trajneri i klubit të Premier Ligës Siriane “Al-Futua SC” dhe punonte në Federatën Siriane të Futbollit deri në vitin 2012. Në këtë vit u pushua nga puna për shkak se ishte një mbështetës i revolucionit sirian.
Ndërsa tani, ai synon ta dërgojë të birin drejt karrierës së një futbollisti të madh. /tesheshi.com/
