Refugjatët sirianë tashmë kanë filluar të largohen nga Turqia. Pasi autoritetet turke njoftuan se po hapnin kufij me Evropën, rreth 300 refugjatë, përfshirë gra dhe fëmijë, arritën në Edirne herët në mëngjes, duke u nisur për në kufirin grek, raporton Yenisafak i Turqisë.
Turqia ka vendosur të mos ndalojë më refugjatët sirianë duke u përpjekur të arrijnë Evropën përmes tokës dhe detit, i tha një zyrtar turk Reuters-it të enjten.
Një zëdhënës i Partisë për Drejtësi dhe Zhvillim në Turqi (AK Parti), Omer Celik tha politika e refugjatëve e Turqisë ka mbetur e njëjtë, por që vendi i saj nuk është më në gjendje të mbajë refugjatët.
“Politika e refugjatëve e Turqisë është e pandryshuar, por ka disa rrethana; ne nuk jemi më në gjendje t’i mbajmë refugjatët,” tha Celik. /tesheshi.com/
