Dhjetra refugjatë sirianë në Calgary filluan Vitin e Ri duke dhuruar gjakun e tyre.
Yo Rasso, i cili mbërriti në Kanada rreth 18 muaj më parë, tha se vendosi të përvjelë mëngët e tij “për t’iu falenderuar Kanadasë për ndihmën e treguar atij dhe fëmijëve të tij”.
Organizatori i aksionit për dhurim të gjakut, Sam Nammoura, nga grupi mbështetës i refugjatëve sirianë, tha se dhënia e gjakut konsiderohet një nder i madh në kulturën siriane.
“Nëse njerëzit janë me të vërtetë të përkushtuar, ata thonë:” Unë do ta bëj akt human këtë me gjakun tim”, tha ai.
“Kjo është një mundësi që ata të tregojnë vlerësimin dhe mirënjohjen e tyre për këtë vend”.
Jhoanna Delrosario i Shërbimeve Kanadeze të Gjakut tha se ajo sugjeroi Ditën e Vitit të Ri për dhurim të gjakut, sepse festa e Vitit të Ri dhe janari në përgjithësi janë një periudhë e ngadaltë për donacionet e gjakut.
“Ne jemi shumë mirënjohës për komunitetin sirian dhe të ardhurit”, shtoi Delrosario.
“Çfarë mënyre për të filluar Vitin e Ri dhe për t’ia kthyer të mirën komunitetit”, shtoi ajo. /tesheshi.com/
