Shpërthen kaosi e protestat në ishullin grek Kos ndërsa autoritetet përpiqen të akomodojnë me qindra emigrantë në një stadium futbolli ku ata do të regjistrohen.
Policët përdorën shkopa gome dhe pajisje të fikjes së zjarrit për të vendosur rregull në turmën që e kapur nga padurimi për shkak të kushteve të vështira në ishull, ka dashur të procedojë sa më shpejt.
Një zyrtar policie më herët u pezullua nga detyra, ndërsa dolën imazhe të tij duke qëlluar një burrë, ndërsa e kërcënonte me thikë.
Autoritetet në Greqi janë vënë në vështirësi për të përballuar fluksin e madh të refugjatëve që kanë mësyrë ishullin e vogël grek dhe dy ishujt e tjerë në kufirin me Turqinë.
Një numër në rritje refugjatësh mbërrijnë në ishujt turistikë të Egjeut dhe kampet janë vendosur në plazhe e rrugë. Por, përpjekja për t’i mbledhur këta njerëz në një stadium futbolli ka hasur në rezistencë.
“Duam bukë, duam letra”, thërrisnin nga turma, ndërsa policia është përgjigjur me agresivitet.
OKB thotë se 124 mijë njerëz kanë mbërritur në brigjet greke vetëm në shtatë muajt e parë të këtij viti. /tesheshi.com/
