Ashtu si Shqipëria, edhe Bullgaria është në pritje të hyrjes së refugjatëve sirianë e jo vetëm, në territorin e saj.
Por Sofja zyrtare ka dërguar 400 trupa në kufirin e saj me Greqinë për të parandaluar një flukstë mundshëm të tyre.
Kryeministri Bojko Borisov, pasi ndoqi një stërvitje të përbashkët të forcave të sigurisë përballë kufirit grek, të pajisura me mjete të blinduara dhe helikopterë, tha se ato do të qëndrojnë aty përherë.
“Dhe rreth 500 trupa shtesë mund të mobilizohen brenda pak orësh në kufij në rast nevoje”, shtoi ai. /tesheshi.com/
