BE ka kompletuar vetëm tre të katërtat e programit dy-vjeçar për refugjatët, që gati ka mbaruar. Në mesin e atyre që mbeten në harresë ka njerëz të evakuuar nga Libia, me premtim për zhvendosje në Evropë.
Qeveritë evropiane, përfshirë qeverinë gjermane, nuk kanë arritur të mbajnë premtimin për të pranuar 50,000 refugjatë që ishin planifikuar të shpërndaheshin në Evropë.
Bashkimi Evropian nisi programin e rivendosjes dy vjet më parë, dhe i vuri vetes një afat që deri më 31 tetor 2019, do të sillte nga vendet e konfliktit 50,000 njerëz. Por vetëm 37.520 njerëz kanë mbërritur në Evropë nën këtë program deri më tani.
Një zëdhënës i Komisionit Evropian ka pranuar se objektivi nuk do të arrihet deri në fund të tetorit.
Midis të prekurve janë mijëra emigrantë të ndaluar në kampe në Libi. UNHCR, thotë që puna e ngadaltë e vendeve evropiane në përmbushjen e premtimeve ishte një nga faktorët që ndikuan në evakuim të dhunshëm, në mes të mungesë së ligjit dhe luftës civile.
Dimitris Avramopoulos, komisioneri në largim i migracionit në BE, tha se kishte “shpresë” se premtimet e mbetura do mund të përmbusheshin deri në fund të vitit.
Por premtimet e tilla nuk janë asgjë për Mariam, një e re me origjinë nga Sudani, e cila u evakuua nga Nigeria drejt Libisë, dhe tani po pret të rivendoset.
Kush e mbajti premtimin e kush jo
Gjermania ishte një nga vendet që drejtoi nismën e rivendosjes së BE-së. Vitin e kaluar, Kancelarja Angela Merkel premtoi publikisht se do të pranojë 10.200 njerëz në këtë program. Një zëdhënës i Ministrisë së Brendshme të vendit i tha DË se vetëm 4,800 kishin mbërritur deri më tani. Ai tha se vonesa në formimin e qeverisë pas zgjedhjeve të 2017-tës kishte çuar në “përgatitje të ndërlikuara organizative” për ardhjen e refugjatëve.
Për dallim nga Gjermania, Suedia ka zbatuar premtim duke pranuar 8,750 refugjatë, siç bëri Britania, e cila mori 7.800. Franca, Holanda dhe Finlanda kanë marrë më pak se 80% të numrave që u zotuan.
Belgjika dhe Irlanda kanë përmbushur rreth gjysmën e premtimeve të tyre. Belgjika tha se kishte pezulluar pranimet për shkak të një rritje të kërkesave për azil nga njerëzit që tashmë ndodheshin në vend. Irlanda tha se së shpejti do të pranonte 537 personat e mbetur për të cilët i kishte premtuar deri në fund të vitit.
Portugalia rivendosi rreth një të tretën e kuotës së saj, por gjithashtu tha se do të përmbushë premtimin e saj deri më 31 dhjetor, të cilën BE e ka vendosur si një afat të zgjatur për programin.
Luksemburgu nuk ka pranuar as një person të vetëm përkundër premtimit për 200 sosh. Ministria e Jashtme e vendit tha se po planifikonte të pranonte 50 njerëz nga Nigeria këtë muaj.
Programi i pranimit supozohet të ofroj një rrugë të sigurt për ata që ikin nga zonat e konfliktit, si Siria dhe Libia. Ky program është menduar si një mundësi shtesë për të drejtën e azilit.
Numri i refugjatëve që arrijnë në Evropë në programet e pranimit është relativisht i vogël në krahasim me numrat që vijnë nga udhëtime të parregullta dhe që aplikojnë për azil pasi të shkelin tokën evropiane.
Sipas programit të BE-së, vendet pritëse marrin një pagesë prej 10,000 € për secilin person që e pranojnë.
Shtetet e Bashkuara dhe Kanada gjithashtu ofrojnë mundësi të tilla, megjithëse Presidenti Donald Trump ka ulur në mënyrë dramatike numrin e vendeve të ofruara nga Shtetet e Bashkuara. /tesheshi.com/
