Nga Memedali Jusufi
Brenga për numrin e madh të emigrantëve sirianë që po jetojnë kohë dhe ditë apokaliptike, vazhdon të preukupojë opinionin në Maqedoni, por dhe atë botëror, sigurisht.
Sipas zyrës së UNICEF-it në Shkup, numri i emigrantëve të cilët kalojnë në Maqedoni gjatë tre muajve të fundit është rritur me tre herë. Sipas tyre, për çdo ditë në këtë shtet kalojnë reth 3000 emigrantë , prej të cilëve një e treta janë gra dhe fëmijë; dhe rreth 12 % të grave janë shtatzëna.
Është një zhvillim pra që tejkalon kufijtë e shteteve ballkanike. Që nga fillimi i krizës në Siri, rreth 27 mijë njerëz kanë gjetur vdekjen ku ndër to 80 % janë fëmijë të moshën afro 18-vjeçare.
Musa Musai, psikolog i njohur, thotë se Evropa nuk i trajton si refugjatë por si emigrantë, sepse frigohet që nesër këta persona mos kenë mundësinë për ndonjë status të veçantë.
“Çështja është e aspektit etimologjik që nesër transportimi i këtyre refugjatëve në ndonjë vend tjetër të jetë më i lehtë. Juridikisht, shtetet evropiane dëshirojnë t`i detyrojnë këto turma njerëzish që të kalojnë në shtete tjera duke u konsideruar pra refugjatë”, thotë ai.
Nga anë tjetër, Metin Izeti, njohës i rrethanave në Maqedoni, thotë se çështja nuk është preçizuar sepse ka shumë shtete evropiane që kanë problem me ripërtritjen, dhe në këtë rast duan që këto qytetarë të mbeten në shtetet e tyre.
Ndryshe, nga qershori i vitit 2015, më shumë se 52.000 persona janë regjistruar në qendrën për pranim në pikën kufitare të Gjevgjelisë pas hyrjes nga Greqia. Vlerësohet se po aq është numri i atyre që tranzitojnë nëpër vend pa u regjistruar, njofton UNICEF.
Edhe ekipet e Kryqit të Kuq, refugjatëve u ofrojnë ndihmë të përhershme shëndetësore, ndërsa aktivistë vendas, maqedonas e shqiptarë bashkë, çdo ditë u shpërndajnë atyre pako me ujë dhe ushqim të cilat mbërrijnë si donacione. /tesheshi.com/
