Akademia e Shkencave në një mbledhje të jashtëzakonshme të saj vendosi ngritjen e një komisioni ad-hoc që do të hartojë propozimet për reformimin e këtij institucioni.
Debati lindi pak ditë para zgjedhjeve për drejtuesit e rinj, ndërsa proçesi u konsiderua farsë nga kryeministri Rama, që paralajmëroi edhe ndërprerjen e fondeve shtetërore. Pas kësaj deklarate, Myzafer Korkuti që u zgjodh nënkryetar i Akademisë paraqiti dorëheqjen, çka u pasua me zhvillimin e kësaj mbledhjeje.
Por cilët do të jenë 13 anëtarët e komisionit ad-hoc, që propozimet e tyre do ia paraqesin Edi Ramës? Mes emrave është edhe Artan Fuga, i cili hodhi kritika të ashpra ndaj institucionit para zgjedhjeve së drejtuesve të tij.
Përveç Fugës në komisionin janë zgjedhur Apollon Baçe, Aurela Anastasi, Anesti Kondili, Florian Vila, Nebi Frashëri, Mira Mezini, Luan Starova, Ali Aliu, Matteo Mandala, Anastas Angjeli, etj. /tesheshi.com/
