PD prezantoi tre propozime për Tryezën e Reformës Zgjedhore, aty ku pranoi të ulet pas përbetimeve afro 1-vjeçare për të kundërtën, ku pretendon se në thelb të tyre është pamundësimi i krimit zgjedhor.
“Kemi prezantuar dje tre paketa në lidhje me ndryshimet që opozita e bashkuar propozon për të goditur krimet zgjedhore, duke rritur rolin e organeve ligjzbatuese; Prokurorisë së shtetit, Policisë dhe gjithë instrumentave të tjerë që duhen në këtë aspekt”, deklaroi i deleguari i demokratëve Oerd Bylykbashi.
Më konkret qe ish-deputeti Alibeaj, i cili përmendi instalimin e kamerave në qendrat e votimit.
“Propozimi ynë është që në qendrën e votimit të vendosen kamera të cilat do duhet të vëzhgojnë gjithçka ndodh në territorin e shenjtë ku konkretizohet vullneti i qytetarit”, tha Alibeaj. /tesheshi.com/
