Kreu i grupit parlamentar të Lëvizjes Socialiste për Integrim, Petrit Vasili ka deklaruar ditën e sotme se “konsensusi nuk e rrëzon koalicionin qeverisës”. Ai ka shprehur besimin se konsensusi është ditë bashkimi dhe jo ndarje.
Vasli duket se ka mohuar sot atë që përflitej prej kohësh, për një krizë në koalicionin me Partinë Socialiste. Duke folur sot nga ambientet e jashtme të Kryesisë së Kuvendit, ai përshëndeti miratimin gjatë mesnatës së lënë pas të reformës në drejtësi, duke thënë se Parlamenti realizoi një vendim unikal përmes një procesi patriotik dhe historik.
Sipas tij, votimi konsensual i bëri shqiptarët të ndihen më të sigurt në vendin e tyre, më mirë në një atdhe që drejtohet nga një politikë që tregoi vendosmëri para një çështje madhore.
Vasili tha se të gjithë sot janë më të qetë pasi projektuan një reformë për një shtet më të drejtë, i cili prodhon barazi për të gjithë qytetarët para ligjit, e cila ka munguar dhe i ka lodhur dhe mërzitur shqiptarët.
“Konsensusi nuk është tabu, por është një alternativë e madhe e një Shqipërie politike që di të bashkohet për çështje madhore. Nga sot politika nxjerr mësime të tjera që gjithë ndasitë dirtëshkurtra që mbajnë në vend axhendën e përbashkët janë të padobishme ndërsa parja në sy dhe vënia në tavolinë e gjërave parimore, është bashkim”, u shpreh Vasili. /tesheshi.com/
