Prokuroria po përjeton një përplasje të brendshme kohët e fundit dhe kjo u pa edhe gjatë ditës së sotme në Konferencën e Gjyqësorit gjatë deklarimeve në publik por edhe në diskutimet në saanca nga ana e kryeprokurorit të Republikës, Adriatik Lalla.
Një vendim i kohëve të fundit për transferimin e disa prokurorëve ka hasur në polemika të brendshme. Kështu janë lëvizur sërish disa emra të njohur pjesë e grupit të famshëm që hetoi vrasjen e deputetit Azem hajdari.
Pas arrestimit të Haxhi Giut, mësohet se është transferuar edhe prokurori tjetër, Shkëlqim Hajdari.
Ndërkaq, kryeprokurori Adriatik Lalla bëri të ditur se po hetohen disa afera korruptimi që kapin shifra miliona euro, po nuk e tha pozitën e zyrtarëve që pritet të dalin para gjygjit.
“Sistemi i drejtësisë në vend, si çdo hallkë, nuk është imunizuar nga korrupsioni. Disa raste gjyqtarësh dhe prokurorësh të vënë nën akuzë janë dëshmi e kësaj. Por përgjithësimi nuk është veprimi i duhur.
Janë këta prokurorë dhe gjyqtarë që kanë vendosur nën akuza të rënda deputetë dhe po hetojnë zyrtarë të lartë të akuzuar për dëme me vlerë miliona euro,” tha Llalla. /tesheshi.com/
