Kryetari i komisionit të posaçëm për reformën në drejtësi, Fatmir Xhafaj tha se kjo reformë është në hapat e saj të fundit. Sipas Xhafaj nuk ka nevojë për shumë negociata, ndaj të premten e ardhshme do të mblidhet seanca tjetër e këtij komisioni.
“Jemi në hapat e fundit të saj dhe nuk ka nevojë për shumë negociata, por për vendimmarrje. Të premten në 10:00 do të mblidhet komisioni i posaçëm për të vazhduar punën aty ku e ka lënë”, njoftoi Xhafaj.
“Opozita e ka kuptuar se para interesave të politikës së ditës, prevalon interesi i të ardhmes europiane të vendit. Besoj që opozita do të jetë e pranishme në komision”, tha Xhafaj./tesheshi.com/
