Ndihmës Sekretarja e Shtetit, Victoria Nuland ka telefonuar ish Kryeministrin Sali Berisha, me të cilin ka biseduar për reformën në drejtësi. Nuland theksoi rëndësinë e madhe të kësaj reforme për integrimin e Shqipërisë në Europë dhe shprehu vlerësimin e saj në përpjekjet e fundit të ambasadorëve të SHBA dhe BE për një kompromis midis palëve në ditët që vijnë.
Nga ana e tij Berisha theksoi se ai beson se një kompromis, në rast se qeveria dëshiron reformën, është plotësisht i mundshëm.
“Kërkesa e opozitës për vende të rezervuara është një kërkesë anti-kapje, bazohet plotësisht në rekomandimet ndërkombëtare dhe qeveria nuk ka asnjë arsye të mos e pranojë. Thjeshtimi i arkitekturës së institucioneve të drejtësisë është plotësisht i mundshëm. Shpresoj që palët do bien dakord”, – tha Berisha.
Në përfundim të bisedës, Nuland e Berisha vlerësuan shumë të rëndësishëm një kompromis të mundshëm në ditët që vijnë. /tesheshi.com/
