Spartak Ngjela shprehet i bindur se nëse reforma në drejtësi nuk bllokohet, në vjeshtë do të ketë emra konkretë për vetingun e gjyqtarëve.
Sipas tij, Berlini dhe Uashingtoni janë shfaqur interes maksimal për zbatimin e reformës në drejtësi dhe Shqipëria do të ecë sipas preçedentit kroat.
I ftuar në “Studio e hapur”, ai thekson se pas vetingut të gjyqtarëve dhe prokurorëve, pritet të vijohet me zbatimin e reformës në drejtësi në radhët e politikanëve dhe pushtetarëve.
“Ka një këmbëngulje sidomos amerikane dhe gjermane për reformën në drejtësi në Shqipëri. Mund të themi se në që në vjeshtë do të ketë emra për vetingun e gjyqtarëve. Mendoj se më shumë se 60 % e gjyqtarëve nuk do e kalojnë. Ndërsa në mars nuk do ketë më njeri nga këta që shikoni në politikën shqiptare. Ne do të ecim sipas precedentit që kemi, me reformën në Kroaci.
Ne po ecim si reforma kroate, madje këtu është edhe më e ashpër. Tek ne ka dy institucione të reja të posaçme për reformën në drejtësi. Duhet të përfundojë vettingu i gjyqtarëve për t’u reformuar sistemi, dhe më pas të vijohet me reformën në drejtësi, në lidhje me politikanët, pushtetarët. Nëse nuk vendoset moraliteti në qeverisje, Shqipëria është e falimentuar. Pyetja ngrihet në këtë formë: ne vetë e bëjmë dot? Unë them se jo, pasi psikologjia jonë nuk të lejon që të dalësh me programe individuale për të fituar besueshmëri. Në momentet që është lidhur ky sistem me politikën korrente, është politika financues i këtij sistemi.
Reforma në drejtësi duke goditur krimin, balancon situatën. Si bëhet kjo? Mos mendoni që deri tani gjithçka është sekret, pasi kështu funksionojnë reformat me goditje të ashpra. Kur të vije të politika, nuk do jenë vetëm politikanët të prekurit”, u shpreh Spartak Ngjela. /tesheshi.com/
