Një tjetër deklaratë e pazakontë ka dalë nga zyra e presidentit Meta, e cila ka devijuar nga etika zyrtare e një kreu shteti, duke përcjellë me ironi qëndrimin mbi Reformën në Drejtësi. Një ditë pasi sulmoi reformën në fjalë e ndërkombëtarët, duke marrë nga këta të fundit reston se ajo është “Ok”, përfshirë dhe kryeministrin Rama, presidenti Meta ka lëshuar një tjetër deklarëtë me anë të zëdhënësit. Aty, ai mbrohet duke thënë se është investuar për Reformën në Drejtësi.
“Kam vetëm një qëndrim për të dy. Presidenti i Republikës, jo vetëm i ka bërë të gjitha përpjekjet e mundshme deri tani, në mënyrë transparente e sistematike, të dokumentuar dhe informale, konstruktive e gjithëpërfshirëse, por edhe do të vazhdojë të bëjë çdo përpjekje për zbatimin kushtetues të Reformës në Drejtësi, për të evituar vonesat, kolapsin, zbatimin e njëanshëm e përçarës dhe kapjen e sistemit. Presidenti nuk do të lodhet edhe në të ardhmen, si detyrim ndaj qytetarëve shqiptarë, të punojë në këtë frymë”, shprehet zëdhënësi i presidentit Tedi Blushi, ku më pas vjen dhe ironia me një shprehje të Enver Hoxhës.
Ndërkohë Presidenti nuk ndalon askënd, të këndojë ‘na fitorja në fitorje’, si në variantin solo, ashtu edhe në korr” deklaron zëdhënësi i Presidentit. /tesheshi.com/
