Këshilli i Lartë i Drejtësisë diskutoi për njërin ndër organet më të rëndësishmë të Vettingut.
Mbledhja nisi me diskutimin formal të informacionit të paraqitur në Këshill në lidhje me takimin e zhvilluar nga Kryeinspektori dhe Sekretari i Përgjithshëm i KLD-së, me Komisionin e Pavarur të Kualifikimit.
Pasi u analizua informacioni, anëtarët shprehën një zëri vullnetin e KLD-së, për të bashkëpunuar me të gjithë institucionet shqiptare dhe ato partnere ndërkombëtare, që kanë asistuar në Reformën në Drejtësi, për të çuar përpara proçesin.
Gjithashtu, në emër të Këshillit, Presidenti i Republikës, Ilir Meta, theksoi se KLD dhe Inspektorati i saj do të përmbushin të gjitha detyrimet që do i ngarkohen nga ky proçes. Për të rakorduar qëndrimet më institucionet që merren me procesin e rivlerësimit kalimtar të gjyqtarëve, përfshi edhe miratimin e akteve të përbashkëta, KLD vendosi të ngrejë një grup pune prej 4 anëtarësh, të cilët do rakordojnë dhe bashkëpunojnë në mënyrë të përhershme lidhur me ecurinë e procesit dhe problematikat.
Përbërja e grupit të punës do jetë si më poshtë:
Vangjel Kosta, anëtarë i KLD-së, zgjedhur nga Kuvendi.
Gerd Hoxha, anëtarë i KLD-së, zgjedhur nga Konferenca Gjyqësore.
Neritan Cena, anëtarë i KLD-së, zgjedhur nga Konferenca Gjyqësore.
Përfaqësues i Ministrisë së Drejtësisë.
Bazuar në rendin e ditës mbledhja vijoi me shqyrtimin e projekt-akteteve përfundimtare të vlerësimit, të përgatitura nga Kryeinspektori i Inspektoratit të Këshillit të Lartë të Drejtësisë, në zbatim të Vendimit të Këshillit të Lartë të Drejtësisë nr. 261/2, datë 14.04.2010 “Sistemi i Vlerësimit të Gjyqtarëve”. Në përfundim të këtij shqyrtimi, si dhe pas vlerësimit të ankimeve përkatëse, Këshilli miratoi aktet e Vlerësimit për 15 gjyqtarë.
Si pikë të fundit të rendit të ditës, Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit. /tesheshi.com/
