Alket Hyseni, njeriu që drejtonte sektorin e Parandalimit të Pastrimit të Parave në Ministrinë e Financave, ka dhënë dorëheqje këtë të enjte. Kjo për shkak se ai është ndjerë i paagjykuar nga opozita e cila e ka sulmuar si njeri të afërt me Ramën.
Në tekstin e dorëheqjes, ai sqaron pikërisht këtë gjë:
“Jam i përgjegjshëm se reforma në drejtësi është një proces i pakthyeshëm, e duke qenë i bindur se është në interesin e të gjithë shqiptarëve që ky proces të zhvillohet sa më shpejt ndjej se largimi im nga funksioni që kryej do të shërbejë për të eliminuar çdo alibi të të gjithë atyre që frikësohen nga reforma dhe pikësëpari nga vettingu”.
Pozita e tij në krye të Pastrimit të Parave ka qenë kyçe, pasi në drejtorinë e tij do kalonte në sitë e gjithë pasuria e njerëzve të Drejtësisë.
Dhe siç informon Top Channel, largimi tij me formën e dorëheqjes është bërë dhe me miratimin e ambasadorit Lu, për të shmangur të gjitha pengesat e mundshme që mund ta vështirësonin vettingun, qoftë dhe të ardhura si paragjykime nga opozita. /tesheshi.com/
