Deputeti i Partisë Demokratike, Eduard Halimi deklaroi gjatë takimit me ekspertët e reformës në drejtësi se Partia Socialiste hodhi poshtë skemën e ndjekur nga Komisioni i Venecias për miratimin e draftit për këtë reformë, ndërsa shtoi se kjo parti synon kapjen e sistemit të drejtësisë.
“Një ditë kur ishim këtu, PS dhe anëtarët e saj hartuan një draft, në arrogancë të plotë, që hidhte poshtë skemën e ndërtimit institucional. Partnerët ndërkombëtar i falënderoj dhe ata bënë të mundur që ekspertët e Ramës të tërhiqnin draftin dhe të mbështesnin punë për bashkëpunim dhe me opozitën. Kur ekspertët janë ulur për të diskutuar mbi draftin e Venecias, ekspertët ishin 11, nga PD dhe PS. Kryesore mbi të gjitha është kapja pulitke”, tha Halimi.
Ai Halimi pohoi se opozita kërkon që kjo pikë të miratohet me një shumicë votash më shumë se 84, që mazhoranca i ka si përfaqësues në Parlament.
“Kush do ti emëroj ata të do kontrollojnë dhe promovojnë gjyqtarët e prokurorët? Kjo ka qenë pika e debatit. Këta njerëz nuk duhen të jenë njerëz që emërohen nga kryeministri, qoftë kur emrin e ka Edi Rama, apo Lulzim Basha. Emërimet duhet të behën me një shumicë në parlament. Situata në Parlament është që ka një shumicë mbi 84 votash. Pra këta njerëz duhet ti zgjedh një numër më i madh i votash.”, -pohoi deputeti i djathtë./tesheshi.com/
