Presidenti Meta, i cili zë fundi i ka vënë Reformës në Drejtësi dhe xanxën “Ramareformë”,ka marrë një tjetër përgjigje jo të kënaqëshme për të nga ndërkombëtarët.
Kjo pasi shefja e misionit të ONM-së në Tiranë, pra struktura ndërkombëtare që ndjek proceset e reformës, Genoveva Ruz Calavera, e ka quajtur atë rë sukseshme.
Nga Samiti i Poznanit, Calavera deklaroi se deri më tani puna (reforma) po ecën në drejtimin e duhur dhe se ajo mbetet e panegociushme.
“Kjo ka për të qenë thelbësore: të keni një shtet ligjor funksional, të keni një sistem gjyqësor të pavarur. Nuk është më një çështje e negociueshme.
Ne duhet të nxëmë nga mësimet tona. Prandaj jam shumë e lumtur që për shkak të popullit shqiptar dhe jo për shkak të politikanëve, për shkak të qytetarëve, ky ndryshim dramatik ka nisur në Shqipëri. Sepse kjo do të thotë që me këtë proces, që unë besoj se po shkon në drejtimin e duhur.
Ne do të kemi një gjyqësor të pavarur, Shqipëria do të arrijë në një pozicion fantastik për të kapur kohën e humbur deri tani.
Çdo vend duhet të gjejë mënyrën për të reformuar gjyqësorin. Nuk është e thënë që të jetë kaq dramatike sa e Shqipërisë, sepse problematika nuk është e njëjtë për çdo vend, por ju duhet të gjeni një mënyrë për të bërë reformën”, deklaroi Calavera.
Qëndrimi i saj vjen teksa presidenti Meta i ka shpallur një luftë gati të hapur Reformës në Drejtësi. /tesheshi.com/
