Komisioni i Reformës në Drejtësi vazhdon shqyrtimin e draftit për ta bërë gati për seancën e 21 korrikut.
Edhe pse opozita ende nuk ka përcaktuar qëndrimin e saj deputetët e mazhorancës prfunduan shqyrtimin e një pjese të dratit.
Në një prononcim për mediat deputeti i PS Ulsi Manja ka bërë një pasqyrim të ecurisë së procesit të ndërmjetësuar nga SHBA dhe BE.
“I dhamë fund shqyrtimit për organizimin dhe funksionimin e prokurorisë. Patëm një relatim në parim të ligjit për strukturën e luftës kundër krimit të organizuar. Puna në komision vijon normalisht për të gjitha pr.ligjet që do të jenë pjesë e kësaj pakete”, ka deklaruar Manja.
Ai ka bërë të ditur se mazhoranca është e hapur për sugjerime dhe komente për ligjet që do të shoqërojnë këtë paketë. “Ndaj ftojmë anëtarët e opozitës që të japin kontributin përkatës me sugjerimet e tyre”, ka shtuar Manja. /tesheshi.com/
