Kreu i Partisë Demokratike, Lulzim Basha deklaroi ditën e sotme se PD është zotuar për zbatimin e rekomandimeve të Venecias. Ai tha se ka bërë ftesë publike për Ramën e Metën të punojnë mbi rekomandimet e Komisionit të Venecias, por sipas Bashës, deri tani ka pasur veprime që bien ndesh me rekomandimet e Komisionit të Venecias.
Kreu i PD-së u shpreh ndër të tjera se me draftin parafabrikat të 29 dhjetorit, Rama kërkon të bëjë bypasin e rekomandimeve të Venecias. Basha bëri me dije se ekspertët demokratë kanë vijuar punën në tryezën e ekspertëve duke kërkuar të reflektojë rekomandimet e komisionit të Venecias.
“Pyetja e vetme që duhet ti japë përgjigje Edi Rama është: Po Venecias apo jo Venecias?.
Nëse është pro Komisionit të Venecias, ai:
Duhet të mohojë ekzistencën e një drafti paralel, i cili nuk është produkt konsensual
Të lexojmë bashkë rekomandimet e Venecias
Të punojmë në kushte ekspertësh të barabartë”,- ishin fjalët e Bashës.
Në përmbyllje të deklaratës për media, Basha deklaroi se asgjë më pak se rekomandimet e Venecias nuk kërkon PD./tesheshi.com/
