Ka folur pak për të thënë shumë. Ambasadori amerikan në Tiranë, Donald Lu, i gjendur mes kritikave deri dhe sulmeve nga një segment i politikës dhe i medias, që kur nisi era “reformë në drejtësi”, ka reaguar së fundi me një gjuhë edhe pak nervoze.
“Në vend që politikanët të fajësojnë të huajt, Shtetet e Bashkuara, ose Bashkimin Evropian për problemet që kanë krijuar vetë, do të ishte mirë të kishin dialog politik me njeri-tjetrin dhe të punonin bashkë për të zbatuar reformën në drejtësi, përfshi plotësimin me anëtarë të Këshillit të Lartë të Prokurorisë dhe Këshillit të Lartë të Gjyqësorit”, deklaroi Lu në një në reagim për Zërin e Amerikës.
Kujtojmë që ditë më parë, Ambasada Amerikane, ose ndryshe Lu, ktheu mbrapsht një kërkesë të opozitës, mishëruar në një letër të kyetares së LSI-së, znj. Kryemadhi, për të ndryshuar Kushtetutën në lidhje me zgjedhjen e Kryeprokurorit. Por që kur ka nisur reforma në drejtësi, Lu e “shoqja” e tij diplomatike Vllahutin, janë vënë në shënjestër të sulmeve duke u etiketuar si “njerëz të Sorosit”. /tesheshi.com/
