Duket se shpenzimet e një vendi reflektojnë dukshëm stereotipet kombëtare. Një gjë e tillë rezulton nga të dhënat e zërave të shpenzimeve, hartuar nga Eurostat, që tregojnë jo vetëm gjendjen financiare, por edhe shumë tipare të tjera dalluese të kombeve.
Kështu, duket se rusët i “hedhin” 80 për qind të parave të tyre në pije alkoolike dhe cigare – shumë më tepër krahasuar me vendet e pasura. Ky fakt përbën një tipar që ndoshta, edhe kur nuk e kemi vizituar Rusinë apo resorted turistike ku rusët kalojnë pushimet, e kemi ditur nga klasikët rusë të letërsisë, që aq mirë i kanë portretizuar patriotët e tyre.
Australianët që janë aq të dhënë pas argëtimit, edhe në hartën e shpenzimeve familjare, u vihet re ky tipar. Ata e shpenzojnë më shumë se një të dhjetën e të ardhurave në lojëra kreative. Koreano-jugorët e dhënë pas librave shpenzojnë shumë për arsimin.
Në fakt, disa ndryshime të tjera mes kombeve janë të kuptueshme duke përdorur logjikën ekonomike. Kështu, vende më të pasura si Amerika dhe Australia, ku shpenzimet familjare janë 30 mijë dollarë për person, priren të shpenzojnë një pjesë më të vogël për ushqimin sesa Meksika dhe Rusia, ku mesatarja e shpenzimeve është rreth 6 mijë dollarë. Kjo nuk do të thotë se meksikanët dhe rusët ushqehen më mirë, apo se i kushtojnë më shumë rëndësi të ushqyerit, por në mesataren e ndryshme të të ardhurave, shpenzimet për ushqim zënë një vend më të madh.
Edhe politika luan rolin e saj, po ashtu. Sektori që dominohet nga privatët në kujdesin shëndetësor në Amerikë u zë qytetarëve të saj mbi një të pestën e buxhetit familjar, ndërkohë që në Bashkimin Europian, ku kujdesi shëndetësor publik është masiv, qytetarët shpenzojnë vetëm 4 për qind për të.
Në Rusi, strehimi dhe ngrohja që subvencionohen nga qeveria, e bëjnë koston e jetesës më të lirë dhe kjo do të thotë para ekstra për të shpenzuar për gjëra më të sofistikuara në jetë, edhe pse këto duket se janë alkooli dhe cigaret.
Përgatiti: Juli Prifti – /tesheshi.com/
