Referendumi për pavarësinë e Katalonjës do të mbahet të dielën, ndërsa autoritetet spanjolle po përpiqen të ndalojnë nismën e ndërmarrë nga Eskuerra Republicana de Catalunia (E majta republikane e Katalonisë).
Serbia përmes ministrit të Jashtëm Ivica Daçiç mbështet autoritetet spanjolle kundër referendumit. Ai tha se Serbia e përkrah Spanjën kundër Katalonjës për shkak se Spanja e përkrah Serbinë kundër Kosovës.
Por, Partia Liberale e Vojvodinës (LSV) që udhëhiqet nga Nenad Çanak, ka mbështetur referendumin. Kjo parti ka në programin dhe veprimtarinë e saj decentralizimin e Serbisë dhe përpiqet për një autonomi më të madhe të Vojvodinës.
Ajo është anëtare e Aleancës së Lirë europiane. Në këtë Aleancë është edhe Eskuerra Republicana de Catalunia (E majta republikane e Katalonisë), e cila përpiqet për pavarësi të Katalonisë dhe për referendumin për pavarësi që pritet të zhvillohet të dielën, më 1 tetor.
Nenad Çanak u ka dërguar një mesazh katalonasve për referendumin që do ta mbajnë.
“Vullneti i katalonasave nuk do të thyhet. As me forcë dhe as me asgjë. Përkrahje”, ka shkruar Çanak në Twiter. /tesheshi.com/
