Kryetarja e Bashkisë së Barcelonës, Ada Colau, i bëri thirrje Bashkimit Evropian për të luajtur rolin e ndërmjetësuesit në krizën që ka vënë përballë Madridin me qeverinë e Katalonisë, ndërsa kjo e fundit aspiron të organizojë të dielën një referendum për pavarësinë e rajonit.
“Në pikëpamje të rëndësisë së situatës, është detyra ime në rolin e kryebashkiakes së kryeqytetit katalanas, Barcelonë, për t’i bërë thirrje Komisionit Evropian për të krijuar një hapësirë ndërmjetësimi mes qeverisë spanjolle dhe asaj katalane për arritjen e një zgjidhjeje demokratike”, shkruan ajo në një artikull të publikuar nga e përditshmja britanike “The Guardian”.
Mbrojtja e të drejtave themelore të qytetarëve katalanas, përballë një vale represioni të drejtuar nga shteti spanjoll, sipas saj, është mëse e nevojshme.
”Duke mos e parë në këndvështrimin e një mosmarrëveshjeje institucionale, çështja e pavarësisë katalanase është kthyer në një konflikt social dhe politik”. /tesheshi.com/
