Një ditë pasi referendumit për pavarësi fitoi një shumicë dërrmuese votash, qeveria rajonale e Katalonjës po zhvillon një takim urgjent për të diskutuar hapat e ardhshëm, raporton The Guardian.
Referendumi nuk njihet nga qeveria e Spanjës, e cila angazhoi mijëra policë për të penguar mbajtjen e tij. Si rezultat i përplasjeve dhe dhunës, rreth 800 persona u plagosën.
Rezultatet paraprake nga votimi i së dielës treguan se 90% e njerëzve hodhën votat e tyre në favor të pavarësisë.
Presidenti i rajonit, Carles Puigdemont, është zotuar të shpallë pavarësinë e njëanshme nga Spanja brenda 48 orëve nga fitorja për fushatën.
Duke folur të dielën në mbrëmje, Puidgemont tha se ishte një ditë shprese dhe vuajtjeje që kishte treguar se Katalonia kishte fituar të drejtën për pavarësi.
“Qeveria ime, në ditët e ardhshme, do të dërgojë rezultatet e votimit në parlamentin katalonas, ku qëndron sovraniteti i popullit tonë, në mënyrë që të veprojë në përputhje me ligjin e referendumit”, tha presidenti Puigdemont. /tesheshi.com/
