Pas referendumit të së dielës, ku mbi 90 % e pjesëmarrësve vendosën për pavarësinë e Katalonjës, qeveria spanjolle ka vendosur dërgimin e dy kontigjentëve me trupa ushtarake në rajon.
Sipas mediave britanike dhe spanjolle, trupat ushtarake janë transportuar nga 20 kamionë, ndërsa nuk dihet numri i saktë i tyre.
Urdhëri për dërgimin e forcave ushtarake është marrë sot në orët e para të mëngjesit.
Mendohet që trupat ushtarake do të jenë në mbështetje të policisë dhe gardës civile, të cilat prej së dielës është vendosur në Katalonja.
Nuk dihet se cili do të jetë reagimi i Presidentit të Katalonjas, Carles Puigdemont, për të cilin edhe trupat e policisë dhe gardës, të instaluara nga Madridi, janë forca pushtetuese.
Ai ka thënë se të gjitha forcat policore duhet të largohen menjëherë nga të katër krahinat katalonjase .
Trupat besohet të jenë vendosur në kazermat në Santa Eulalia de Sant Boi de Llobregat, pak kilometra larg Barcelonës.
Mendohet se trupat ushtarake janë dërguar pasi 150 anëtarë të gardës civile u detyruan të largohen nga strehimi i tyre në qytetin bregdetar Calella të hënën pas një proteste nga vendasit. /tesheshi.com/
