Britanikët kanë votuar në shumicë për ta lënë Bashkimin Europian. Me një numër të vogël votash ende të panumëruara, 52 për qind e votuesve janë shprehur në favor të daljes nga BE-ja, kurse 48 për qind kanë mbështetur qëndrimin në union. Kjo është ajo çka raporton BBC-ja në këtë mëngjes të parë ndryshe për britanikët.
Pas gati gjysmë dekade, Britania bëhet gati të nisë procesin e daljes nga BE-ja, ndërsa tregjet financiare kanë reaguar menjëherë ndaj rezultatit, me paundin që ka njohur nivelin më të ulët karshi dollarit që nga viti 1985.
Pjesëmarrja në votim ishte 71.8 për qind, më e larta në zgjedhje në Mbretërinë e Bashkuar që prej 1992-shit. Në kutitë e votimit janë drejtuar mbi 30 milionë votues.
Anglia dhe Uellsi kanë votuar dukshëm për daljen nga Bashkimi Europian, kurse Skocia dhe Irlanda e Veriut, përpos Gjibraltarit, kanë qenë me votat e tyre në krah të qëndrimit.
Veç Londrës, asnjë prej rajoneve të tjera të Anglisë nuk ka votuar për qëndrimin në BE.
Mediat britanike parashikojnë tani dhe një tjetër referendum në Skoci për pavarësinë e saj.
Që prej formimit të BE-së, Britania bëhet vendi i parë që do ta lërë atë, por procesi mund të marrë së paku dy vite për t’u përmbushur.
I pari politikan i huaj që ka reaguar ndaj rezultatit ka qenë ministri i Jashtëm gjerman, Frank Walter Steinmeier, i cili e ka përshkruar atë si “një ditë pikëlluese për Britaninë e Madhe dhe Europën”. /tesheshi.com/
