Referendumet në Donbas janë një vendim i pavarur i njerëzve që jetojnë atje dhe zgjedhja e tyre duhet të respektohet, tha Milorad Dodik, anëtar serb i presidencës boshnjake, një ditë pas u takua me presidentit rus në Moskë.
“Sigurisht, çështja e referendumit ka qenë një temë e rëndësishme në ditët e fundit dhe ne besojmë se çështja e anëtarësimit është një vendim autonom, si për këto rajone, ashtu edhe për vetë Rusinë. Prandaj, ne do të respektojmë zgjedhjen e tyre dhe mënyrën se si ata zgjedhin për integrim”, tha Dodik për Sputnik.
Dodik theksoi se beson se dëshira e banorëve të Donbasit për t’u bashkuar me Rusinë është objektive.
“Natyrisht, populli rus jeton në ato zona dhe prandaj ne e trajtojmë dëshirën e tyre me mirëkuptim dhe besojmë se shprehja dhe dëshira e tyre për t’u bashkuar me Rusinë është objektive”, shtoi Dodik.
Nga ana tjetër, Bashkimi Evropian dënon fuqishëm këto ‘referendume’ të planifikuara të paligjshme, të cilat janë kundër autoriteteve ukrainase legale dhe të zgjedhura në mënyrë demokratike, cenojnë pavarësinë, sovranitetin dhe integritetin territorial të Ukrainës dhe shkelin qartë të drejtën ndërkombëtare.
“Rezultatet e veprimeve të tilla do të jenë të pavlefshme dhe nuk do të njihen nga BE-ja dhe shtetet e saj anëtare”, tha Përfaqësuesi i Lartë i BE-së, Josep Borrell. /tesheshi.com/
