Federata Ndërkombëtare e Skive (FIS) ka vendosur të luftojë rritjen e çmimeve të energjisë duke reduktuar përdorimin e reflektorëve në garat e këtij sezoni të Kupës së Botës në disiplinat alpine, raporton dpa.
“Ne duam të reduktojmë përdorimin e “dritave të vëmendjes” gjatë garave të përditshme. Megjithatë, mund të ndodhë që do të jetë e nevojshme të ndriçohen shtesë disa pjesë të pistës për arsye sigurie ose për prodhim televiziv”, është konfirmuar nga FIS para fillimit të sezonit të ri këtë fundjavë në Soelden të Austrisë.
Për sa i përket përdorimit të reflektorëve, disa gara ishin veçanërisht në fokus, si sllallomi i natës në Schladming, Austri.
“Duhet të hetojmë se ku mund të bëhen kursimet më të mëdha me ndërhyrje të thjeshta”, tha FIS, duke përmendur si të mundshme masat “reduktimin e kohës së përdorimit të ndriçimit apo reduktimin e fuqisë së pajisjeve të ndriçimit”. /tesheshi.com/
