Turqia planifikon japë leje pune për refugjatët sirianë si një nga mënyrat për të inkurajuar rrudhjen e fluksit të tyre drejt kalimit në Europë. Masa është njoftuar nga ministri turk i Çështjeve Europiane, Volkan Bozkir, duke iu përgjigjur në këtë mënyrë kërkesave të vazhdueshme të Brukselit për të reduktuar fluksin e refugjatëve që kalojnë Egjeun.
Bozkir pas takimit me zëvendëpresidentin e Komisionit Europian, Frans Timmermans, i cili javëne kaluar shprehu pakënaqësi ndaj përpjekjeve turke për të ndaluar emigrantët që kalojnë detin Egje drejt Greqisë, njoftoi planin e masave.
“Kemi nisur të japim viza për sirianët që vijnë nga vende të treat më 8 Janar. Po përpiqemi të reduktojmë presionin e emigracionit të paligjshëm duke u dhënë sirianëve në Turqi leje pune”, tha Bozkir në një dalje për mediat në Ankara.
Sipas autoriteteve turke, numri i njerëzve që emigrojnë ilegalisht tejkaloi shifrën e 150 mijë të tillë në vitin 2015, ndërsa zyrtarët e sigurisë kanë ndaluar 500 emigrantë për çdo ditë.
Turqia aktualisht është vendi që ka numrin më të lartë të refugjatëve në të gjithë botën midis një lëvizjeje globale të njerëzve për shkak të konflikteve e pasigurisë që është regjistruar ndonjëherë.
Më shumë se 2.2 milionë sirianë kanë kërkuar strehë në Turqi që nga nisja e luftës civile në Siri e që tashmë është në vitin e saj të gjashtë. 200 mijë refugjatë të tjerë irakianë kanë gjetur strehë në Turqi, ndërsa vendi përdoret si pikë tranziti nga emigrantët që vijnë nga Irani, Afganistani dhe Afrika.
Turqia e cila synon anëtarësimin në BE nënshkroi një marrëveshje me Brukselin nëntorin e kaluar ku angazhohet të reduktojë numrin e refugjatëve që udhëtojnë në Europë në këmbim të një ndihme prej 3 miliardë eurosh kesh, lehtësim të regjimit të vizave dhe zhbllokim të negociatave të anëtarësimit.
Qeveria turke ndërkaq ka hartuar plane për ta bërë më të lehtë që sirianët të sigurojnë jetesën në Turqi, por është penguar në këto përpjekje nga papunësia e brednshem që ka shkuar në rreth 10 për qind, pas ngadalësimit ekonomik.
Më qindra mijë sirianë e të huaj të tjerë punojnë ilegalisht për rroga të ulëta, por vetëm 6 mijë sirianë kanë përfituar leje pune, sipas Organizatës Ndërkombëtare të Punës, agjenci e OKB-së.
Aktualisht, refugjatët me mbrojtje të përkohshme, pra që nuk kanë të drejtën e azilit, mund të punojnë brenda për brenda komuniteteve të refugjatëve në Turqi, p.sh mësuesit apo mjekët në kampet e refugjatëve.
Përgatiti: Juli Prifti – /tesheshi.com/
