Të gjithë nutricionistët bien dakord se veza është ushqimi ideal për mëngjes, pasi përmban sasi të lartë proteinash. Prandaj gatuajini dhe sot, sipas recetës që iu sugjerojmë…
Përbërësit:
1 1/3 gotë domate (të copëtuara)
4 vezë
1/2 filxhan çaji djathë
Majdanoz i freskët
Piper i zi
Përgatitja:
Ngrohni fillimisht furrën në temperaturën 200 gradë Celcius. Shtoni nga një vezë në katër enë qelqi të vogla për pjekje dhe trazojini pak me një lugë.
Hidhni mbi to pak djathë të grirë, domatet e copëtuara dhe spërkatini me pak piper të zi. Vendosini në furrë të piqen për rreth 10 minuta, derisa vezët janë mpiksur plotësisht. Më pas largojini nga furra, spërkatini me pak majdanoz të copëtuar dhe janë gati për t’u shërbyer./tesheshi.com/
