Ky është një nga llojet më të preferuara të pudingut në të gjithë botën. Është një ëmbëlsirë e lehtë dhe shumë e shijshme. Recetën për përgatitjen e saj e gjeni më poshtë.
Për 6 persona
Koha e gatimit: 35 minuta
Përgatitja: 10 minuta
Përbërësit:
30 gramë gjalpë
3 vezë
250 gramë sheqer
60 ml qumësht
250 gramë miell
5 gramë pluhur pjekje
3 mollë
Për salcën
2 esenca vaniljeje
250 ml qumësht
250 gramë sheqer
Nxehni më parë furrën në temperaturë 180 ° C.
Përzieni bashkë gjalpin me sheqerin deri sa të krijohet një masë kompakte. Shtoni vezët dhe vijoni ti përzieni. Më pas shtoni edhe qumështin, miellin dhe pluhurin e pjekjes. Rrihini bashkë deri sa të krijohet një masë kremoze. Hiqni lëkurën dhe farat e mollës e prijini ato në feta të holla.
Lyeni me pak gjalpë pjesën e fundit të tepsisë. Shtoni më pas në të brumin e përgatitur dhe vendosni sipër feta molle të prera. Futeni në furrë për 35 minuta.
Për salcën, hidhni në një enë të gjithë përbërësit dhe vendosini të ziejnë. Më pas hidhni salcën e ngrohtë mbi puding. /tesheshi.com/
