Në një pamje të parë mund të duket si një pikë e madhe me ujë, por në ët vërtetë është një ëmbëlsirë. Quhet Mizu Shingen Mochi, në anglisht “Raindrop cake” dhe është krijuar në Nju Jork të Shteteve të Bashkuara të Amerikës.
Shefi Darren Wong është frymëzuar nga Mochi, ëmbëlsira të vogla japoneze të realizuara me miell orizi, me akullore, marmalatë dhe fasule. “Raindrop cake”, e cila realizohet me ujë dhe alga agar-agar është tërësisht transparente. Përtej pamjes së saj, shumë persona që e kanë provuar na sigurojnë se ëmbëlsira është shumë e shijshme.
Për më tepër, ka një përmbajtje të ulët të kalorive. Ka një shije delikate dhe mund të shoqërohet me arra të pjekura.
Përgatitja e saj është e thjeshtë por edhe tej mase delikate. Duhet konsumuar rreth gjysmë ore pasi të përgatitet, pasi më pas shndërrohet në ujë të ëmbël.
Receta:
Bëni një përzierje me 15 g agar dhe 12 gram sheqer në një tenxhere/tigan.
Dalë ngadalë shtoni 500 ml ujë dhe përziejeni mirë.
Pasi të jetë shkrirë i gjithë agari, vendoseni të ziejë të gjithë përzierjen në zjarr.
Më pas hidheni në një enë me formë rrethore.
Lëreni në frigorifer të ftohet pak.
Hidheni në një enë me formën që ka marrë. Mund të shtoni arrat e pjekura apo pak sheqer pluhur sipas dëshirës.
Hajeni përpara se të shkrijë. /tesheshi.com/
