Është sezoni i lakrës së kuqe dhe portokalleve. E pse të mos i bashkoni në një sallatë, që e rekomandojnë edhe dietologët? Mësoni recetën e shefave italianë, sipas të cilëve koha e kërkuar për përgatitjen është vetëm 20 minuta dhe nuk ka shumë vështirësi.
Përbërësit për 4 persona:
500 gr lakër e kuqe
20 gr fara luledielli
2 portokalle
1 mollë
Vaj ulliri
Kripë
Piper
Përgatitja:
Për këtë sallatë shumë unike dhe të stinës, duhet që lakrën e kuqe ta prisni në feta shumë të holla dhe ta vendosni në ujë të ftohtë për 10 minuta. Kullojeni dhe thajeni nga uji.
Vendoseni në një tas, ku do të shtoni edhe mollën, të qëruar dhe të ndarë në feta të holla, thelpinjtë e një portokalli të qëruar dhe farat e lulediellit, të pjekura në një tigan për 2-3 minuta.
Përgatisni edhe një salcë me lëngun e portokallit tjetër, 2 lugë gjelle vaj ulliri, kripë dhe piper./tesheshi.com/
