Në këtë artikull do ju japim një ide për të përgatitur diçka ndryshe për mëngjes.
Një petull që me siguri do të korrë sukses edhe tek fëmijët tuaj:
Përbërësit:
200 g miell
50 g niseshte patate
250 g kungull
1 kos me yndyrë të ulët
150 g sheqer
1 vezë
1 e bardhë veze
Pak vaj kikiriku
1 lugë çaji pluhur pjekjeje
1 lugë çaji kanellë
Përgatitja:
Qëroni kungullin dhe e prisni në kube. Vendoseni atë të vlojë në një tenxhere me ujë dhe e lini derisa të zbutet (rreth 10-15 minuta). Gjithmonë e provoni me pirun.
Në një tas përzieni vezën dhe të bardhën e vezës me një pjesë të sheqerit, pastaj shtoni pjesën tjetër të sheqerit, vajin e kikirikut dhe kungullin të bërë pure pak më parë me një pirun.
Shtoni në të edhe miellin, niseshtenë e patates me pluhurin e pjekjes dhe kanellën; përzieni përbërësit mirë dhe pas kësaj me këtë masë bëni një petull të lyer me miell dhe vaj gati për furrë.
E piqni në furrë në 180 °C për 20-25 minuta.
E shërbeni të spërkatur me sheqer pluhur./tesheshi.com/
