Receta për makarona karbonara vegjetariane

Nëse jeni mësuar t’i gatuani makaronat karbonara vetëm me spec apo pançetë, është rasti të ndryshoni. Jo vetëm sepse e kërkojnë linjat por edhe stina. Me perime, kjo recetë do të jetë shumë më e lehtë dhe po aq e shijshme. Receta

Përbërësit për 4 persona:

360g makarona linguine ose formë tjetër

2 karota

2 kunguj mesatarë

2 qepë të vogla

2 vezë dhe 2 të verdha veze

djathë Parmigiano i grirë, vaj ulliri

kripë e piper (sipas dëshirës)

Përgatitja:

1.Presim në formë zhulien karotat dhe kungujt. Qepët i grijmë hollë. I skuqim në tigan me pak vaj ulliri. I lëmë mënjanë.

2.Vëmë linguinet që të ziejnë në ujë të valuar me kripë. I heqim nga zjarri pak minuta para se të ziejnë plotësisht, i kullojmë, por ruajmë pak nga uji i tyre.

3.Rrahim vezët dhe djathin në një tas të vogël.

4.Ngrohim tiganin me perimet e skuqura, i heqim nga zjarri, shtojmë linguinet, vezët me djathin, pak nga uji i makaronave. I përziejmë shpejt dhe vezët nga ngrohtësia duhet të mpiksen.

Në të kundërt, e vëmë tiganin në flakë shumë të ulët për një minutë duke pasur kujdes që vezët të mos bëhen si të skuqura. I shërbejmë menjëherë duke i spërkatur me pak piper të bluar. /tesheshi.com/