“I brutti ma buoni” janë biskota tradicionale të veriut të Italisë, përkatësisht nga Piemonte. Vetë emri tregon cilësitë e tyre, pra, të mira në shije, por jo të bukura në pamje.
Ekzistojnë disa versione të ndryshme të kësaj recete, por ne do të sjellim atë klasik.
Përbërësit:
- 200 gr lajthi të bluara
- 140 gr sheqer pluhur
- 100 gr të bardha veze
- 60 gr sheqer normal
- 1/2 pako vanilje
- pakëz kripë
I grini lajthitë në një mikser (vetëm gjysmën, pra, 100 gr) dhe I bashkoni me pjesën tjetër. Shtoni sheqerin pluhur dhe vaniljen. I rrihni të bardhat e vezës me pak kripë. Kur të bëhet pak si shkumë, shtoni dhe sheqerin, derisa përzierja të bëhet kompakte. Me kujdes shtoni dhe lajthitë herë pas here, dhe përzijini me spatullë nga poshtë lart. Në një tavë shtoni letrën e gatimit, dhe sipër hidhni nga një lugë nga masa e përgatitur. Sasia e përbërësve të sipërpërmendur mund të japë deri në 20 biskota. I piqni në furrë në 150° për gati 30 minuta. /tesheshi.com/
