Një recetë ndryshe e përgatitjes së mëlçive të pulës. Kombinojini me disa përbërës të thjeshtë dhe do të provoni një shije të mrekullueshme të tyre.
Përbërësit:
500 gr mëlçi pule
2 qepë
½ gotë verë
1 gotë ujë
2 lugë gjelle mustardë
2 lugë gjelle kos
Pak miell
Trumzë
Vegetë
Pak gjalpë
Kripë
Piper i zi
Përgatitja:
Shtoni gjalpin në një tigan dhe vendoseni në zjarr në temperaturë mesatare. Më pas, shtoni në të qepët e grira dhe kaurdisini derisa të marrin një ngjyrë të artë.
Prejini mëlçitë në copa të vogla dhe shtojini në tiganin me qepë. Gatuajini së bashku për disa minuta.
Më pas, në të shtoni pak miell, mustardën dhe trumzën dhe përziejini së bashku. Shtoni në të verën dhe lërini për disa minuta të ziejnë.
Hidhni ujin dhe lërini të ziejnë edhe për rreth 3 minuta. Shtoni kosin dhe rregullojini me pak kripë dhe piper të zi.
Janë gati për t’u shërbyer./tesheshi.com/
