Zyra e OSBE-së në Kosovë kujtoi masakrën e Reçakut, edhe si një mesazh për Beogradin duke potencuar se “më 15 janar 1999, 45 shqiptarë të Kosovës u masakruan në Reçak”.
Ishte pikërisht njeriu në krye të kësaj organizatë atë kohë, William Wolker, ai i cili denoncoi botërisht rastin dhe vuri në lëvizje bashkësinë ndërkombëtare.
“Ne bashkohemi për të nderuar kujtimin e jetëve të pafajshme që u morën në Reçak dhe në tërë Kosovën gjatë kësaj periudhe.
Ne shprehim thellësisht ngushëllimet tona për familjet e viktimave dhe mbetemi të përkushtuar ndaj parimeve të sundimit të ligjit, sigurisë publike dhe një të ardhme paqësore për të gjithë”, thuhet në një deklaratë të OSBE-së për rastin. /tesheshi.com/
