Protestuesit anti-qeveritarë në Portland dhe Seattle thyen zyrat e Partisë Demokratike dhe disa mjedise të tjera gjatë një përplasje me policinë të mërkurën në mbrëmje duke protestuar kundër inaugurimit të Presidentit të SHBA Joe Biden.
Njerëzit të veshur me të zeza dhe me maska mbi fytyrën e tyre thyen dritaret dhe dyert në zyrën e Partisë Demokratike në Portland, duke vizatuar simbole të anarkisë mbi stemën e demokratëve, raporton Reuters.
“Ne nuk e duam Biden. Ne duam të hakmerremi për vrasjet e policisë, luftërat imperialiste, masakrat fashiste “, shkruhej në pankartat që mbanin me vete.
Tetë persona janë arrestuar në Portland nën dyshimin për dhunë dhe zjarrvënie të pamatur, ndërsa dy të tjerë janë arrestuar në Seattle, njëri për sulm, tjetri për shkatërrim të pronës, tha policia.
Para se të sulmonin zyrën e Partisë Demokratike në Portland, një grup prej rreth 150 personash u përleshën me policinë.
Në Seattle, policia tha se disa vende në qytet ishin vandalizuar. /tesheshi.com/
