Kryeminstri Rama u përball me një lloj “rebelimi” të stafitm mjekësor në Lezhë, të cilët kanë refuzuar një shpërblim prej 5 mijë lekësh, nën pretendimin se iu është premtuar shumë më tepër.
Ata, në një peticion, janë shprehur se janë të indinjuar për mungesën e vlerësimit, duke patur menjëherë përkrahjen e PD-së, e cila nga ana e saj e quajti një mashtrim publik premtimin e bonuseve nga ana e kryeministrit Rama. Ndërsa ky i fundit është detyruar të riqartësojë premtimin e tij.
“Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet Covid e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë!
Kush i nxit nga jashtë kërkesat për shpërblime pa asnjë sens bën politikën e mbrapshtë që ka bërë gjithnjë dhe do ndëshkohet nga populli, kush nga brenda bëhet mashë politike cenon misionin e shenjtë e moralin e bluzave të bardha në këtë luftë dhe nuk do të justifikohet në vijim”, tha Rama.
Pra, në gjykimin e Ramës, stafi mjekësor në Lezhë nuk është në vijën e parë të zjarrit,ndërkohë që këta të fundit thonë se kanë trajtuar 14 persona të infektuar. /tesheshi.com/
