Udhëheqësi i Partisë Liberale Demokratike (LDP) të Serbisë, Cedomir Jovanoviç, i njohur si politikan rebel ndaj politikave nacionaliste të Beogradit në rajon, beson se as Serbia dhe as Kosova nuk janë të gatshme për një marrëveshje përfundimtare, por që nëse ekziston mundësia e një marrëveshjeje, atëherë ajo duhet të mbështetet.
Në një intervistë, Jovanoviç e shpjegoi këtë pamje me mungesën e idealeve dhe vizionit.
E nga ana tjetër, ai pretendon se Serbia kapitulloi në Kosovë si kur, siç deklaroi ai, gjermanët kapitulluan në 1945.
“Si quhet kur një ushtri të huaj vjen në territorin e vendit tuaj dhe largohet prej atje përgjithmonë? Epo ky është një kapitullim!”, tha kreu i LDP-së.
Ai beson se çështja e Kosovës është zgjidhur prej kohësh dhe se i vetmi problem është gatishmëria e Serbisë për të pranuar një realitet të tillë.
“Ne nuk e kalojmë këtë test të realitetit për shumë arsye, ndër të tjera, sepse jetojmë në një kohë hipokrite”, tha Jovanoviç.
Jovanoviç beson se Serbia ishte e para që e njohu Kosovën dhe se në vitin 1999 ishte më e lehtë të arrihej me një zgjidhje të qëndrueshme sesa është sot.
Ai gjithashtu tha që veriu i Kosovës nuk ka qenë kurrë Kosovë. /tesheshi.com/
