Polonia dhe tre shtetet baltike kanë paralajmëruar NATO-n dhe BE-në e Rusisë për vite me radhë si një kërcënim për paqen dhe sigurinë afatgjatë në Evropë, por shumica e Evropës Perëndimore i ka hedhur poshtë kërcënimet e tyre si paranojë, ose në rastin më të mirë të fryra ose të ekzagjeruara.
“Oh, ju e dini, ju europianoqendrorë tepër nervozë dhe tepër të ndjeshëm, keni paragjykime kundër Rusisë,” përshkroi ish-ministri i Jashtëm polak Radosław Sikorsky qëndrimin e vendeve perëndimore ndaj frikës balltike dhe polake këtë muaj.
Sikorsky, si paraardhësit dhe pasardhësit e tij, ka paralajmëruar Perëndimin për tre dekada se Rusia duhet të merret seriozisht, por lutjet e tyre për më shumë forca të NATO-s në territoret e tyre janë injoruar kryesisht.
Ka ndodhur kjo nën Partinë radikale të së djathtës Ligj dhe Drejtësi (PiS) të Jarosłaë Kaczyńskit, e cila ka patur një lloj partneriteti me Hungarinë për mbrojtjen e ndërsjelltë kundër presionit nga Brukseli për pakicat e saj, për të ruajtur pavarësinë gjyqësore dhe për të respektuar ligjet e BE-së dhe Rregulloret. Megjkthatë, paçka këtyre fërkimeve, Varshava, ndryshe nga Budapesti, gjithmonë ka refuzuar ndihmën e drejtpërdrejtë ruse kundër BE-së.
Kaczyński, edhe pse vetëm zëvendëskryeministër në letër, është sundimtari i vërtetë i Polonisë, i cili ka vendosur anëtarë më të rinj dhe më të moderuar të partisë së tij në poste të rëndësishme politike – avokatin 49-vjeçar Andrzej Dudu si president dhe ekonomistin 53-vjeçar Mateusz Morawiecki si kryeministër.
Marrëdhëniet midis Rusisë dhe Polonisë, edhe pse kurrë nuk janë ideale, janë tensionuar seriozisht pas aneksimit të Krimesë nga Rusia dhe mbështetjes për rebelët pro-rusë në Donetsk dhe Luhansk.
Varshava më pas bëri thirrje për sanksione më të forta evropiane kundër Rusisë në përgjigje të agresionit territorial, por anëtarët e orientuar ekonomikisht e votuan atë, veçanërisht Gjermania, kancelarja e së cilës Angela Merkel nuk donte të kërcënonte gazsjellësin e planifikuar Nord Stream 2 ose të izolonte politikisht Rusinë.
Kryeministrja e atëhershme polake Beata Szydło kërkoi vendosjen e forcave shtesë të përhershme të NATO-s në Poloni, nën një atmosferë ku Varshava dhe Moska filluan të akuzojnë njëra-tjetrën për revizionizëm historik. Deri në vitin 2017, PiS kishte hequr shumicën e monumenteve sovjetike të Luftës së Dytë Botërore nga Polonia.
Në ditët para pushtimit të Ukrainës nga Rusia, Morawiecki paralajmëroi homologët e tij evropianë se Vladimir Putin dëshironte të rindërtonte Perandorinë Ruse dhe u bëri thirrje atyre të bashkohen për ta ndaluar atë që ta bënte këtë. Pas pushtimit, Polonia u bë shteti më i zhurmshëm evropian në thirrjen për sanksione më të ashpra kundër Moskës.
Pas katër raundeve të para të sanksioneve, Polonia vazhdon të kërkojë sanksione edhe më të forta, edhe më të ashpra. /tesheshi.com/
