Nga një copë pëlhure, 60-vjeçarja refugjate siriane Farh Al-Hourani bën maska për fëmijët, nipërit e mbesat e tij, të cilat ata duhen për të mbrojtur veten e tyre nga koronavirusi në kampin e refugjatëve Zaatari, në verilindje të kryeqytetit Aman.
“Ne jetojmë në prag të vdekjes,” tha ai. “Hapësira ku jeton familja ime prej 10 anëtarësh është shumë e ngërçuar, dhe situata përkeqësohet edhe më tej nga ndalimi i lëvizjes nëpër kamp, nga frika e përhapjes së koronavirusit,” shtoi ajo.
“Në kamp nuk ka maska mjekësore. Meqenëse nuk jam në gjendje të blej dhjetë maska mbrojtëse, kam prerë copa rrobash dhe qepa vetë maska për fëmijët, nipërit dhe mbesat e mija, sepse kemi frikë nga virus“, tha Al-Hourani.
Sipas Ministrisë së Brendshme të Jordanisë, rreth 1.4 milion refugjatë sirianë jetojnë në Jordan, nga të cilët rreth 650,000 janë regjistruar në Komisionin e Lartë të Kombeve të Bashkuara për Refugjatët (UNHCR), rreth 135,000 jetojnë në kampe refugjatësh sirianë në Zaatari dhe Azraq dhe pjesa tjetër janë shpërndarë nëpër provincat jordaneze.
Refugjatët e tjerë sirianë në kampe po përballen me një situatë të ngjashme, pasi ndalimi i lëvizjes vlen për të gjitha objektet e kampit pasi plani kombëtar jordanez për të luftuar përhapjen e koronvirusit ka përfshirë kampet siriane të refugjatëve.
Refugjati Samer al-Halbous me profesion berber, thotë se ai mbeti pa asnjë burim të ardhurash, pasi duhej të mbyllte sallonin ku shërbente.
“Jeta në kamp ishte e vështirë edhe para ndalimit të lëvizjes dhe mbylljes së dyqaneve, dhe virusi korona iu bashkangjut tragjedisë tonë. Fëmijëve të mi kanë nevojë për qumësht, pelena dhe ushqim, dhe tani ne jemi duke pritur për ndihmë humanitare nga UNHCR,” tha ai.
Kur u zbulua rasti i parë i një infeksioni në Jordan, Ministria e Brendshme, në bashkëpunim me organizata ndërkombëtare dhe rajonale, morën masa mbrojtëse për të mos lejuar hyrjen e virusit në kampe, ku disa nga masat kryesore janë ndalimi i vizitave, hyrjes apo daljes.
Ministria e Shëndetësisë ka rënë dakord me organizatat ndërkombëtare për të siguruar lehtësira dhe furnizime themelore brenda kampeve me vlerë miliona e gjysmë euro, kryesisht për të siguruar maska, dezinfektues dhe ekzaminime mjekësore.
UNHCR në Jordan, nga ana tjetër, thekson se ka marrë masa për të kufizuar lëvizjen e refugjatëve brenda dhe jashtë kampeve në përgjigje të planit të qeverisë për të luftuar virusin, për të shmangur rrezikun e përhapjes së infeksionit në kampe të dendura, e për fat nuk është raportuar deri më tani asnjë rast infektimi midis refugjatëve.
Për të luftuar koronavirusin dhe për të siguruar produkte thelbësore të higjenës personale, gratë në kampin Zaatari janë përfshirë dhe në prodhimin e sapunit për larje dore.
Një pjesë e produktit shitet për të ushqyer familjet e tyre dhe tjetra u shpërndahet familjeve në kampe refugjatësh që nuk mund ta blejnë atë. /tesheshi.com/
