Të shtunën, Mali i Zi ishte i treti në Evropë për sa i përket energjisë elektrike të prodhuar nga termocentralet e erës
Dy parqet e erës malazeze Mozhura dhe Krnovo plotësuan 36 për qind të nevojave totale malazeze gjatë ditës së djeshme.060
Të shtunën, sipas të dhënave të Shoqatës për Energjinë e Erës në Evropë – WindEurope, Mali i Zi ishte vendi i tretë në kontinent sipas përqindjes së energjisë së përfituar nga fermat me erë, ose ndryshe parqet eolike.
Dy sosh, Mozhura dhe Krnovo, kanë plotësuar dje 36 për qind të nevojave të përgjithshme të Malit të Zi për energji elektrike.
WindEurope është shoqata e energjisë së erës në Evropë, dhe anëtarët e saj janë shoqatat kombëtare të energjisë së erës të të gjitha vendeve evropiane.
Mali i Zi aktualisht ka në sistemin elektroenergjetik fermën e erës së Kërnovës, me kapacitet të instaluar prej 72 MW, dhe fermën me erë të Mozhurës, me kapacitet prej 46 MW.
Plani është që të ndërtohet ferma e erës Gvozd me një kapacitet të instaluar të vlerësuar prej 54 MW, ndërsa është planifikuar edhe ferma e erës Braići prej 100 MW.
Nga 24 maji deri më 2 qershor 2019, për herë të parë, Mali i Zi prodhoi energji të mjaftueshme nga burimet e rinovueshme për të përmbushur të gjitha nevojat, duke iu bashkuar kështu numrit të vogël të vendeve që mund të mburren se kanë prodhuar të gjithë energjinë e nevojshme nga burimet e rinovueshme vendase.
Gjatë kësaj periudhe, kur termocentrali i Pljevljës ishte jashtë funksionit, u prodhuan rreth 82 milionë KWh energji dhe u shpenzuan rreth 75 milionë KWh.
Kujtojmë se të njëjtën gjë po synon Shqipëria, e cila e nisi si projekt para se të trokiste kriza energjitike. Me hidrocentralet e saj, Shqipëria nuk i plotëson nevojat e brendshme për energji, ndaj tashme po mendon për krijimin e parqeve eolike. /tesheshi.com/
