Katër luanë të vegjël ngordhën nga të ftohtit në një kopsht zoologjik në Gaza,
pasi një stuhi goditi mbulesën plastike rreth kafazit të tyre, njoftoi pronari
i objektit.
Dy të vegjël u gjetën të ngordhur të enjten, një ditë pasi u lënduan, tha Fathy
Joma, duke shtuar se dy të tjerët mezi merrnin frymë, dhe që përpjekjet për t’i
ngrohur ata me një pajisje elektrike nuk kanë dhënë efekt.
Joma tha se bllokada 12-vjeçare izraelito-egjiptiane e Rripit të Gazës e ka
bërë më të vështirë për kafshët që të sigurojnë ushqim dhe kushte ekzistence.
“Ne nuk mund të siguronim ushqim apo ilaçe për të shpëtuar jetën e luanëve. Ne nuk kemi para të mjaftueshme dhe bllokada përkeqëson kujdesin ndaj tyre. Këta janë luanë afrikane që nuk janë mësuar të jetojnë në këtë mot të ftohtë, kështu që kanë nevojë për mbrojtje shtesë”, tha Joma.
Kafshë të tjera në këtë kopsht zoologjik privat në pjesën jugore të Rripit të Gazës i kanë mbijetuar stuhinë, duke përfshirë luaneshën, luanin mashkullor dhe këlyshët e tyre 14-muajsh.
Shumica e kafshëve në këtë objekt janë kontrabanduar në Gaza përmes tuneleve nëntokësore disa vjet më parë, pasi ushtria egjiptiane nuk i ka shkatërruar. /tesheshi.com/
